Apocalypse 2009 قصة وتحليل فيلم

Apocalypse 2009 قصة وتحليل فيلم

- ‎فيفن وسينما
2٬260 views

Apocalypse | The Second World War | 2009

لو في ناس زي حالاتي مغرمة بتفاصيل وأحداث الحرب العالمية التانية، بارشّح لهم بقوّة إنه يتفرّجوا على الفيلم ده. “أبوكاليبس WW2” فيلم وثائقي من إنتاج فرنسي مكوّن من 6 أجزاء، ومبني كله على لقطات ومشاهد حقيقية صوّرها المراسلين الصحفيين في فترة الحرب، وتم تلوينها بجودة عالية جداً عشان الفيلم ده. الفيلم واحد من أفضل الوثائقيات اللي إتعملت عن الفترة دي في تاريخ البشرية إن لم يكن أفضلها. كمان شرح الأحداث إتسم بقدر كبير من الموضوعية مقارنةّ بالأفلام التانية اللي إتعملت عن نفس الموضوع. تقدروا تشوفوا الأجزاء الكاملة للفيلم على لينكات يوتيوب دي، وكمان كل الأجزاء موجودة باللغة العربية على يوتيوب

https://youtu.be/2fRTjQ4RC_U
https://youtu.be/w9A1elwb_J4
https://youtu.be/yy9nX5IleJw
https://youtu.be/aHGSQi8Xiwo
https://youtu.be/632kbPxh7Oo
https://youtu.be/wJ3vPofwcsQ

#BTSRecommends

من صفحة behind the scene

Facebook Comments

25 Comments

  1. أبعت قائمه بأفلام الحرب العالمية الثانيه المهمه علشان تقريباً انا اتفرجت علي كل اللي ايدي طالته وطبعاً ده كان اولهم

  2. انا اصلا مش عارف اية السحر اللي في احداث ww2بيخلي الواحد حابب افلامها والكتب اللي اتكتبت عنها ولو فيه العاب كمان

  3. اية دا انا مش لواحدي اللي شغلاني الحرب العالمية التانية

  4. The pianist
    Hacksow ridge
    the boy in striped pajamas
    Der untergang
    Enemy at the gates
    Saving private ryan
    Stalingrad ( entag rossy)
    Allied
    Valkjer
    Fury
    The zoo keeper’s wife
    The exception
    Uss indianapolis (men of courage)
    لو حد عنده افلام تانى يقولى لانى مبتفرجش غير على افلام الحرب العالميه التانيه اصلا ❤❤

  5. تعليق الأسطورة المعلق محمد السعيد رحمه الله من أروع مايمثل هذه السلسة ومن اروع ما احفظه :-
    تلوح ملامح حرب في الأفق.
    أيها السادة هذا ما أعدادناه لكم.
    كورفرستندام أحدث جادات برلين وأرقاها تعرض ألمانيا علي انها أمة لا تزال تعاني المحن..
    هتلر سوف يهزمهم هزيمة قاسية.
    لم يكن هناك شئ مقدس في الحرب العالمية الثانية فكل شئ تحول إلى جحيم.
    العملية بارباروسا وهي عملية غزو الاتحاد السوفيتي.

  6. انا ليا اربع سنين مش باتفرج غير على موسوعه ابوكالبيس سته اجزاء باللغه العربيه بصوت الرائع محمد السعيد وكل ماقول اتفرج على جزء واحد يشدنى باسلوبه الرائع لسماع السته اجزاء ومحملهم عندى على التليفون لدرجه انه بقيت مغرم بهتلر وذكائه

  7. انا عايز اقولك انا حافظهم وبجد موسوعه جبارة وفيها كمية معلومات رهيبه بجد ممتعه وشيقه جدا وكمان المعلق الصوتي عليها راجل مالوش حل بيعيشك الاحداث بواقعيه جامده

  8. لعشاق احداث الحرب العالمية الثانية
    اكبر وثائقية من حوالي ٣٦ ساعة باسم BBC history of world war 2 . ايضا وثائقي حديث باسم world war 2 in HD كله تقريبا بالالوااان

  9. الاحداث متكروته شوية و مفيش تفاصيل نظرا لأن السلسلة علي بعضها ٦ ساعات و ده ميغطيش احداث الحرب ، هي جميلة جدا للناس الي ملهاش خلق و عايزة نظرة عامة انا الي عايز التفاصيل ممكن يتفرج علي the world at war و ده من انتاج ال BBc في فترة الستينات و في ميزة كبيرة أن كتير من قادة المحور و الحلفا كانوا عايشين ساعتها فالشهادات و التفاصيل قوية ،، السلسلة التانية عملتها BBC برضه و دى بتاع ٤٠ ساعة في نهاية القرن العشرين و دى اخدت كل تفاصيل الحرب و شهادات العساكر و الظباط الي كانوا لسة عايشين ايامها

  10. بالنسبة لي أروع مشاهد السلسلة هي المعركة اللي على الجليد بين جنود الجيش السوفيتي اللي لابسين لبس ابيض عشان ميظهروش وسط الجليد و بيتزلجوا على الجليد بالزلاجات و هم نازلين قتل بالرشاشات في الجنود الألمان المساكين الغير مؤهلين للحرب في الجليد

  11. تقريبا نفس سلسلة ناشنوال جيوجرافيك اللي مدبلجة بالعربي والمعلق العربي رائع
    وتبعها هياكل نازية عملاقة
    ثم عالم النازية الخفي
    ثم ابوكالبيس الحرب العالمية الاولي
    كلهم اروع من بعض مما اتفرج عليهم ما تملش ابدا

  12. شوفتة و فيه موسم تاني احدث للحرب العالمية الاولي
    و هناك حلقات اخري بأسم هياكل نازية عملاقة
    بيوريك كيف وصلت عبقرية مهندسين الاسلحة في العصر النازي

  13. أسطورة التعليق المذيع السوري محمد السعيد رحمه الله معلق سلسلة أبو كاليبس…
    تم أختطافه واعدامه علي يد جبهة النصرة

  14. انا اتفرجت عال 6 اجزاء يجى 3 مرات ولسه بادئ تانى فبه وهخلصهم للمرة ال 4 😃 حاجة كدا ميتزهقش منها .. كل تفصيلة فى الحرب العالمية التانية موجودة .. بس اول مرة اعرف ان ناس كتير مهووسة بالحرب العالمية فى حيث ان المشاهدات على ابوكالبيس مش عالية اوى ..

  15. انا تقريبا خلصت كل حاجة عن الحرب العالمية التانية الوان واليض واسود والحرب العالمية الاولى ليها 10 اجزاء روعة وباقيلى فيلم واحد بس اسمه دنكيرك مع انى عارف القصة بس عاوز اشوف هيجسدوها ازاى😂😂😂

  16. طيب الوثائقي دة جميل جدا فيه بقى وثائقيات نفس النظام بس عن الحرب العالمية الاولى كمان في وثائقي حلو اوي انصح ان الناس تشوفه جه على الجزيرة الوثائقية اسمه “جندي السينما” عن الحروب في الافلام الانجليزي

  17. “سنتعلم اليوم اغنية جميلة تعيد السلام الي نفوسنا
    تدور و تدور الدمي”
    كانت هذه اخر حصة دراسية لهم

  18. دى اللى اتعرضت فى ناشوينالى جيو ابو ظبى ملهاش حل سيبك من كل شىء صوت المعلق ملوش حل السورى وبتاع الحرب العالميه الاولى بجد اتفرج وهتستمتع بصوت انا بصراحه يعنى اول مره احب حرب كده بسبب المعلق اللى جابوه والحرب العالميه الاولى كمان نات جيو ابو ظبى جايبين بجد شويه حاجت ملهاش حل والله ادخل على الدايلى موشن هتلاقى السلسلتين انا نزلتهم وعندى كل واحده 6 اجزاء تقريبا الحرب العالميه الاولى 5

  19. اتفرج على قصص النازية ست اجزاء .. حلو جدا .. واتفرج على ثائقي ما بعد هتلر .. جزئين ..

  20. رهيب و نفس الشركة عملت برضة وثائقى ملون عن الحرب العالمية الاولى
    https://www.youtube.com/watch?v=xO8uhme0o3Y&list=PLH4LV32LVoil6l2a3jHS_TG-1AWtzr675

  21. ده رهيب بيخلي الواحد يعيش فترة الحرب فعلا ويعيش الدمار بتاع الحرب دي وفيه كمية معلومات تثبت ان الواحد فعلا جاهل

  22. الفيلم الوثائقي دا عظيم جداا وراااااائع ، خلتنى بعد ما شوفته جمعت افلام الحرب العالمية التانية واتفرجت عليها ، رااااائع بمعنى الكلمة

  23. سلسلة the world at war أعتقد أنها سلسلة وثائقية ممتازة بتؤرخ بشكل رائع للحرب العالمية التانية

  24. المميز ف ابوكاليبس الحرب العالميه الثانيه عن الحرب العالميه الاولى صوت المعلق صوت يجذبك لأنقاض الحرب نبراته كإهتزاز الأرض من تحت دبابات البانزر 😍😍

  25. مسلسل band of brothers و Pacific الاتنين برده حاجة رهيبة و جايبة أحداث كتير من تاريخ الحرب العالمية التانية

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

روجينا فى حلقه ابله فهيتا

استضافت ابله فاهيتا بالامس  روجينا  فى  حلقات برنامجها