Zootopia | 2016 قصه مشهد من فيلم

Zootopia | 2016 قصه مشهد من فيلم

- ‎فيفن وسينما
0

ده مشهد “السلوث – حيوان الكسلان” اللي مالوش حل من فيلم “زوتوبيا”، واللي باعتبره واحد من أمتع وأعلى مشاهد “ديزني” على مستوى الكوميديا. جرعة الضحك في المشاهد الكوميدي، بشكل عام، بتقل أو تختفي لمّا تشوف المشهد أكتر من مرة. الغريب في المشهد ده إنك ممكن تضحك عليه بنفس القوة حتى لو شفته كتير. بعض النقّاد قالوا إن السبب في كده هو خصوصية المشهد ده في حد ذاته، واللي إتصمم في وسط أحداث الفيلم، وكأنه إسكتش منفصل. بمعنى إنك مش لازم تكون عارف أو فاهم أحداث الفيلم أو سياقه الدرامي عشان تضحك من تركيبة الكوميديا الموجودة في المشهد.

كمان براعة كتابة المشهد في إنه أخد حالة البطء الموجودة في الحوار، ولعب على “موود الاستعجال” الموجود عند البني آدم بشكل طبيعي لمّا يحب يخلّص حاجة بسرعة. إفتكر أخر مرّة كنت فيها في مصلحة حكومية، وإنت بتراقب سرعة الموظف البطيئة وهو بيخلّص الإجراءات، وكأنه متعمّد يستفزّك. 🙂 الحاجة التانية إن المشهد ده أخد المتفرّج لأبعاد الضحك القصوى. لاحظوا مثلاً إصرار “السلوث” إنه يكمّل الكلام للأخر حتى لو حد قاطعه، وسرعته – أو بطئه – في إنه يضّحك على النكتة، وكمان لأنه لسّه عايز يحكيها لزميلته اللي قاعدة جنبه. 🙂

بالمناسبة، المشهد ده إتنقش تقريباً زي ما هو في حلقة “المومياء” من مسلسل “ريّح المدام” في رمضان. طبعاً هيفضل مشهد “زووتوبيا” هو “الأصل” وكمان هو الأفضل بمراحل من وجهة نظري. تقدروا تشوفوا المشهد على لينك يوتيوب دي

https://youtu.be/eIkgSJcRlF4

Facebook Comments

23 Comments

  1. بحب طريقه نقدك.. مرتبه وف خطوات وبتشدني للفيلم لو متفرجتش عليه، شابوه 😉😆

  2. النت هنج وانا بتفرج عالفيديو و كملته عادي محستش انه ابطئ 😂😂

  3. المشهد ده انا كنت بضرب البنت الى قدامى فى السينما من كتر الضحك رجلى جت فى قفاها 😂😂

  4. لقطة لما كان بياخد صورة البطاقه 😂😂😂💔
    المشهد من واقعيته ضحكنا :””

  5. امال انا ليه ما ضحكنيش . انا اتنرفزت منه و كنت عايزة اقوم اضربه . و صعبت عليا الارنية جدا 😀

  6. دخلت الفيلم ده سينما و كان هيجيلي جلطه من الضحك في المشهد ده

  7. ولادي بيكركروا لما بيشوفوا اللقطه ده ، احلى لقطه عندهم في الفيلم بالذات لما السلوث يظهر تاني في آخر الفيلم

  8. اقسم بالله المشهد ده كل ما أشوفه ابقي حاسة ان قلبي هيقع من الضحك مش علشان المشهد تحفة و كوميدي بس لأ ، لأنه بيفكرني بأبني الصغير في بروده و تناحته لما بيبقي هيحرق دمنا 😂😂😂😂😂

  9. فلاش 😍😍 الفيلم كان الصبح على ميكي و دي تقريبا رابع او خامس مرة اشوفه 😍💕 و بحب اخر حتة لما يطلع هو اللي اتخطى السرعة القصوى 😂😂

  10. أحسن مشهد في أفلام الانيميشن بتاع shrek أما كان الملك الضفدع بيموت ده بيفصلني ضحك 😂😂

  11. انا بعد ما شوفت الفيلم فضلت ادور على المشهد دى منفصل علشان اعمله شير هو فيلم لوحده

  12. اول مرة شفت المشهد ده حبيته لكن بعد كده استتقلته بصراحه وشفت النقش بتاعه في ريح المدام لكن مكنش بجمال مشهد زووتوبيا

  13. طبعا كان لازم يقلدوا مشهد زي دة في مسلسل ريح المدام في محوله لجعل المسلسل مضحك بس كالعادة التقليد مش زي الاصل و هيفضل الصل احسن اضعاف من التقليد الفاشل و في كل الاحوال فلم zootopiaواحد من احسن الفلام الانيماشن الي اتعملت في تاريخ السينيمة

  14. لسه كنت بحكى مع اخويا ع المشهد دا والله
    ومجرد م افتكرته قعدت اضحك😂😂😂😂

  15. انا مجاتليش الفرصه اني اتفرج علي الفيلم كلوا
    بس جاتني الفرصه اني اتفؤج علي الحته دي منو في يوم كان من اسوء الايام الي مريت بيها والصراحه ساعتها كنت هموت من الضحك 😃😃

  16. مشكلة المشهد ده انه كان موجود فى التريلر.. ودى اكتر حاجة بتستفزنى طالما شوفت الحاجة فى التريلر مبستمتعش بيها خالص فى الفلم !

  17. انا شوفته قبل كدا كتير و لما جيه انهارده في التلفزيون ضحكت برضه كرتون حلو اوي ❤❤😍😍

  18. اامشهد دة هو الي خلاني احمل الفيلم واتفرج عليه خصوصآ مشهد تصوير البطاقة😂 اكيد الي كتبه كان مصري

  19. المشهد ده عصبني مضحكنيش ، بكره المشهد ده خلاني اتنرفز

  20. مشهد مستفز علي اد ما هو بيضحك 😂😂😂

  21. معلش بس انا مضحكتش خالص ولا حسيت باي حاجة..هو انا في حاجة غلط 😅

‎إضف تعليق إلي Ahmed Samir Ahmed ‎إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

قصة ونهايه فيلم Whiplash 2015

Whiplash | 2015 مشهد النهاية من فيلم ويبلاش