قصة فيلم الكيت كات | 1991

قصة فيلم الكيت كات | 1991

- ‎فيفن وسينما
2٬339 views

الكيت كات | 1991

الشيخ “حسني” وهو بيفضفض لعم “مجاهد” عن بيع البيت وذنب الحشيش ومشكلة الناس اللي “عايشة” ولازم “تعيش” عشان مغرفة الفول بقت بنص ريال.

أداء العملاق الراحل “محمود عبد العزيز” خلّانا بالفعل نعيش لحظة إنسانية فريدة، وكأننا بنشم ريحة الفول، وبنتنفس معاه هوا الصبح بدري في حواري “الكيت كات”. معاناة الشيخ الضرير اللي مش عايز – أو مش قادر – يصدّق إنه أعمى بتتجسّد في واحد من أعظم مشاهد السينما المصرية سواء على مستوى التمثيل أو الإضاءة أو التصوير، وعلى خلفيّتهم الموسيقى الأسطورية الجنائزية للرائع “راجح داوود”.

مخرج الفيلم هو العبقري “داوود عبد السيد”. حركة الكاميرا وزاوية التصوير من الدقيقة 4.40، والشيخ “حسني” بيزق الجثمان الضيئل لعم “مجاهد” على عربية الفول وبيبعد بره الكادر تدريجياً، هينقلوا لك إحساس بالخنقة والعدم، وإن الحارة بتضيق حرفياً وهي بتبلع جواها “العايش” و “الميّت” مع بعض. تقدروا تشوفوا المشهد على لينك يوتيوب دي

https://youtu.be/-lupH9LHgp0

Facebook Comments

25 Comments

  1. ياريت لو تقدر تحلل اي مشهد من فيلم البرئ لاحمد ذكي فيلم فيه قدرة تمثيليه مخيفة لاحمد ذكي
    الفيلم ده لو فضلت تحلل فيه سنة والله مش هيخلص ياريت تشوف البوست ده لاني بعشق الفيلم ده ونفسي اشوف تحليلك ليه

  2. الفيلم ده والمشهد ده بيخليني أحس اني فعلاً عندنا مبدعين بجد
    شكراً علي الشرح الجميل

  3. لسه شايفه قريب وشفت كتير قبل كده بس اخر مره دي حسيت اد ايه الفيلم ده محترم واد ايه العبقرية في الاداء من تمثيل لإخراج لموسيقى تصويريه ولا اروع وطبعا الكتابه والسيناريو حاجه محترمه فعلا ورؤيتك عبقرية طبعا

  4. محمود عبد العزيز لا يقل عن جاك نيكلسون في الاداء….شكرا لحسن الانتقاء والتحليل

  5. الحارة بتضيق وتبلع جواها العابش والميت
    تعبير رائع
    تحياتى

  6. انا بحب الفيلم جدا بس طريقه كلامك خلتني حسيته اكتر

  7. دايما مبدع/ين فى سرد المشاهد ودايما بتعيشونا جواها

  8. أحسنت يافندم حقيقي أنت فنان

  9. الفيلم كله اسطورة و محمود عبد العزيز فعلا اثبت فى كل افلامه انه ممثل عبقرى لكن فى الفيلم ده بالتحديد هو تفوق على نفسه لما يكون اهم اداة للممثل هيه عينيه و يقدر هو يستغنى عن الاداة دى و يكتفى بتعبيرات وجهه و حركات جسمه و يخليك فعلا تصدق انه اعمى تحية كبيرة للراحل محمود عبد العزيز

  10. الفيلم دا اصلا رواية تسمي… مالك الحزين …للكاتب ابراهيم اصلان
    و بما ان الرواية جميلة اكيد الفيلم كدا 👍

  11. المشهد فيه اسقاط على مصر
    والبيت هنا مقصود بيه البلد
    وخناقة بين جيلين على سبب ضياع (بيع) البلد

  12. الفكرة انه كل اللي عمل دور الكفيف بعد كده كان بيقلد اداء محمود عبدالعزيز…
    شابووووووه بجد 😍😍

  13. الحكايه مش حكايه البيت يعم مجاهد.
    _الحكايه حكايه الناس اللي عايشه و لازم تعيش

  14. مش عاوز تروح السينما يايوسُف 😀 .. الله يرحمه كان عبقرى فى ادائه

  15. الفيلم ده يستحق اﻻوسكار..مشهد الموتوسيكل وحبكته النفسة يتفوق على مشهد عبور الشارع لال باتشينو فى عطر امراة اللى بالمناسبة انتاج 1992

  16. محمود عبدالعزيز واحمد ذكي كانو بيقدرو يوصلوك الاحساس بالشخصية و الجانب الانساني بتاعها سواء دراما او كوديديا او اي نوع

  17. الفيلم ده حقيقي كان المفروض ياخد أوسكار، محمود عبد العزيز كان عملاق فيه و الموسيقي رائعه

  18. واحد من افضل ما انتجته السينما المصرية فيلم احترافي من الدرجة الاولي كل مشهد فيه بيخليك تحس انك عايش مع الابطال جوه الكيت كات وخصوصا انهم فعلا ذكروا اسماء حقيقة زي الهرم تاجر المخدرات والي عاوز يحس الفيلم اكتر ينزل الكيت كات هيلاقي كل مشاهد التصوير الخارجي لسة موجودة

  19. تعابيرات وش الشيخ حسني وتغييره لنبرات صوته من الشجن انه بيفتكر للحزن انه مش عارف يغير للعجز انه مش قادر يساعد ابنه انه يسافر وانه بيواجه العتاب واللوم الي قاله عم مجاهد ومراره انه يعترف بقهر الرجال مع تحوله فجأه انه مستغرب عدم الرد رغم انه اعتذر وانه بدأ بدون تفكير ف انه يتصرف رغم عجزه البصري انه يتحرك ويشيله ويتشاهد وياخده ف العربيه ويغوص بيه ف ضيق الخاره وبعدين يدور ع الجيران

  20. ياريت تحلل مشهد من فيلم طروادة الحوار بين والد هكتر وتقبيله ليد اخيليس قاتل ابنه …

  21. فعلا المشهد ده اكتر مشهد فاكره كويس والموسيقى لا توصف .. انتو فعلا شرحتو بكفاءة تستحق الاشادة👏👏

  22. من اروع ادوار محمود عبد العزيز علي الاطلاق…و يا ليت لو سمحت تجيب تحليل فيلم القبطان لنفس الممثل…لعب دور عالمي ..لكن الفيلم لم يأخذ حظه من الشهرة

  23. أفضل فيلم في تاريخ السينما المصرية إبداع بجد كفاية الموسيقى التصورية

  24. الفيلم دا لو اتعرض عالميا محمود عبد العزيز الله يرحمه ياخد اوسكار عملاق

  25. من أروع الافلام اللى شوفتها واداء محمود عبدالعزيز فوق الرائع

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

روجينا فى حلقه ابله فهيتا

استضافت ابله فاهيتا بالامس  روجينا  فى  حلقات برنامجها