Creed | 2015قصه فيلم

Creed | 2015قصه فيلم

- ‎فيفن وسينما
0

Creed | 2015

مباراة الملاكمة الواقعية جدا بين “آدونيس كريد” و خصمه “سبورينو” واللي إستمرت لأكتر من أربع دقايق على الشاشة وإتصورت كلقطة واحدة One Shot من غير مونتاج.

أول حاجة هتلاحظوها في المشهد هي حركة الكاميرا المذهلة، واللي لفّت حوالين الخصمين في كل الإتجاهات بشكل معقد جداً، وخلّت المشاهد يحس إنه بالفعل موجود مع الملاكمين في الحلبة. الغريب إنه مع المسارات الأفقية المعقدة للكاميرا، المصوّر كان كمان بينزل لتحت في بعض اللقطات ويصوّر الملاكم أسفل مستوى البصر عشان يعكس حجم أضخم للملاكم ومدى قوته أثناء المباراة.

الحاجة التانية هي تصميم الصوت أو ال Sound Design في المشهد، ودقة المزج والتناغم بين صوت اللكمات وتشجيع الجماهير، ودخلات الموسيقى التصويرية. هتلاحظوا في الجولة التانية إن الموسيقى بدأت تعلى وتاخد تون مختلف، وإن اللكمات بقى صوتها أعلى، وكأنها بتزوّد الإحساس باندفاع الإدرينالين عند المشاهد مع سخونة وعنف المباراة.

الإضاءة كانت من العوامل المهمة في المشهد لأنها كانت مركّزة بشكل متساوي على الرنج، وكانت معتمة في كل الأجزاء اللي بره. وإنتوا بتتفرجوا هتلاحظوا إن التباين في الإضاءة كان هو السبب اللي أضاف واقعية شديدة للمشهد وخلّاك كمشاهد ماتركّزش في أي تفاصيل تانية.

الحاجة الأخيرة هي التصميم الحركي المذهل للملاكمين، واللياقة البدنية العالية ل “مايكل جوردون” والملاكم “جابريل روسادو”. بالمناسبة المشهد ده إتصوّر 13 مرة عشان يتعمل صح إلا إن المخرج “ريان كوجلر” استخدم الإعادة رقم 11 واللي ظهرت في الفيلم بالفعل. تقدروا تشوفوا المشهد على لينك يوتيوب دي

https://youtu.be/pqSSHmr8bR4

Facebook Comments

17 Comments

  1. نبتدي منين التنوع
    نقول ان سلفستر ستالوني شارك في انتاج الفيلم بفلوسه مع اتنين تاني
    البطل هنا مفترض انه ابن. ابولو كريد أحد شخصيات فيلم روكي القديم
    وسلفستر بيشارك فالفيلم بدور روكي اساسا
    يعتبر السابع في سلسلة روكي علي الرغم من انفصال الاحداث عنهم
    وتتابع الاحداث هنا يعتبر تكمله لروكي بالبوا اللي اتعرض ٢٠٠٦
    اتعرض في ٢٥ نوفمبر ٢٠١٥
    ودة تاريخ ذكري مرور ٤٠ سنه علي اول جزء من سلسله رامبو
    🙂

  2. اعلى فيلم ملاكمة و تمثيل و تصوير cinderella man حتى ALI مطلعش زيه مع ان النفروض قصة كلاى اعظم مليون مرة

  3. محنا عندنا برضه فيلم زيه ..بتاع الفنان حماده هلال .. لم اتعلم بوكس عشان يحمي الساندونش بتاعه … بس الغريب ومش لاقي له تفسير ان ابوه مات وهو صغير ورغم كده كان ليه اخت وهو كبير .

  4. مع احترامي لرأيك بس فيلم Cinderella man اعلي بكتيييييييييييييير جدا في لقطات الملاكمة و الممثلين

  5. زي فيلم حلم العمر عندنا لحماده هلال😂

  6. بالعكس مشهد الملاكمة ده واقعى أكتر بكتير

  7. اتفرجت عليه مرتين واول مره اخد بالي ان المشهد ده لونج شوت

  8. امال انا محستش باي حاجة من الحاجات دي ليه 😂

  9. مخدتش بالي من اي تغير ف الاضاءة اطلاقا 😂

  10. وماله فيلم حماده هلال حلم العمر زى الفل😂😂😂

  11. مشهد رائع ومبتكر

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

قصة ونهايه فيلم Whiplash 2015

Whiplash | 2015 مشهد النهاية من فيلم ويبلاش