Fast And Furious 7 قصه فيلم

Fast And Furious 7 قصه فيلم

- ‎فيفن وسينما
2٬056 views

Fast And Furious 7 | 2015

ده المشهد اللي بينهي قصة “برايان أوكونور” في السلسلة بمساعدة 3 ممثلين من ضمنهم إخوات “بول ووكر”، واللي مات في حادثة عربية قبل الانتهاء من تصوير الفيلم. المخرج “جيمس وان” مارضيش يلجأ للحل الدرامي التقليدي بإنه يموّت شخصية “أوكونور” في أحداث الفيلم، لكنه إختار إن “أوكونور” ياخد قرار إنه يبعد عن حياة الخطر بعد ما عرف إن “ميا” مراته حامل في طفلهم التاني.

المشهد ده إتصوّر بالكامل بعد موت “بول”، وبيجمع الفريق كله وهو قاعد على شط البحر، وبيتابع “أوكونور”، وهو بيلاعب إبنه جنب المايه. في الجزء الأول من المشهد، هتلاحظوا إن المخرج ساب مسافة كبيرة بين أعضاء الفريق وبين “بول” وعيلته عشان يخلق إحساس عند المشاهد إنه بعد عنهم وبقى بالفعل في مكان مختلف. الحقيقة إن كل كلمة إتقالت في المشهد كان ليها معنيين. المعنى الأول كان من شخصيات الفيلم الموجودة في نطاق الدراما، والتاني كان من شخصياتهم الحقيقية وهم بيقولوا كلمات الوداع ل “ووكر” اللي مكانش موجود معاهم في المشهد.

توقيت دخول الأغنية الشهيرة ل “ويز خليفة” كان رائع بعد جملة “It’s never goodbye” اللي قالها “فين ديزل”، مع حركة الكاميرا اللي طلعت لفوق في إتجاه السما. في الوقت اللي هنفتكر فيه إن الفيلم هيخلص بلقطات “دوم” وهو سايق عربيته وسط الجبال، “جيمس وان” بيضيف لقطات “ووكر” المعمولة عن طريق الكمبيوتر عشان يصوّر السباق الأخير والكلمات الأخيرة بين الصديقين مع مونتاج للنجم اللي مات من كل أجزاء السلسلة.

أجمل لقطة في المشهد هي اللي بيخرج فيها “برايان” من الطريق وبتطلع فيه الكاميرا لفوق تدريجياً في إتجاه السما/الشمس، وتحوّل الصورة للون الأبيض وكتابة الإهداء الأخير “من أجل بول”. جزء من البوست ده مقتبس ومترجم عن مقالة لآدم فاري – BuzzFeed Reporter. تقدروا تشوفوا المشهد على لينك يوتيوب دي

https://youtu.be/7cPMriE8fKU

Facebook Comments

24 Comments

  1. يعنى مين اللى عملدور بول واكر بعد ما مات واللى عمل باقى المشاهد بتاعته ??

  2. مشاعرهم و احاسيسهم غلبت على وشهم … المشهد دا ميعتبرش تمثيل بالعكس دا 100% حقيقي ملامحهم و طريقه كلامهم مع نبره الصوت يبينلك اكتر انه مش مجرد مشهد دي رساله تدخل قلب اللي بيتفرج من غير تفكير و تعبيرهم عن حبهم لبول واكر و عن قوتهم في صد وجعهم عن موته … المشهد دا فيه كميه كلام و تفاصيل مهما يطول الوقت و الزمن هنفضل نفسر فيه و نفتكره … مشهد للتاريخ 👏👏👏👏

  3. مشهد عبقري
    مجرد اني افتكره بس بيخليني اعيط 😢
    بس انا مش شايفة أنها تقليدية أن لما الفنان يموت يموته شخصيته في العمل الفني
    بل ع العكس غالبا بيجيبوا فنان تاني يقوم بالدور

  4. اصعب مشهد شوفتو ف حيااتي انا معرفش هما استحملو كميه الوجع دي ازاي ف المشهد ده ولو تلاحظو ملامح اليزابيث..ليتي.. كانت هتعيط وهي بصالو 💔✋

  5. It’s been a long day without u my friend and I’ll tell you all about it when I see u again We’ve come a long way from where we began
    I’ll tell you all about it when I see u again w hen I see you again…. Love this movie.. This song.. This relationship 💛💚💙

  6. “You will always be with me, and you will always be, my brother.” end is true 🙁

  7. من أصعب واجمل واقوي المشاهد في كل الأجزاء . الإحساس والحزن الصادق في قلب المشهد بأكمله كان عالمي

  8. وجهة نظرى
    انه اجمل مشهد مؤثر فى كل السلسلة بصراحة
    والاغنية والكلمات تحفة

  9. I used to say I live my life a quarter mile at the time and I think that’s why we were brother’s because you did too

  10. سلسله الافلام كلها بالنسبه ليا بتتجسد ف المشهد ده .. نظره النهايه بين الصديقين والأغنية حاجه روعه جدا

  11. انا شفت المشهد وبعتبره من اجمل المشاهد اللى اتعملت في السلسله دى وف كل مشاهد الافلام اللى شفتها بهوليوود

  12. وفي الجزء الجديد دوم سمي ابنه براين علي اسمه ❤

  13. انا مشوفتش ولا جزء
    خل لو شفت الجزء السابع ده لوحده هفهم حاجة ولا لا؟؟

  14. تقريبا كدا السلسله انتهت بموت بول والكر .. صعب الواحد يتخيل نفسه بيتفرج علي الفيلم دا من غيره .. :'( :'(

  15. لما اتفرجت ع الفيلم دخلت ع اليوتيوب ونزلت المشهد كامل ولسه معايا ع الفون من ساعتها … مشهد تحفه

  16. دا كودي ووكر اخو بول وهو كان حاطت حساسات عل وشهه عشان يطلع شبه بول بالظبط ..

  17. بعشق المشهد ده بكل تفاصيله بحركات عيونهم و الكلام و الاغنية نفسها 💟

  18. المشهد اللي خلاني اعيط فعلا مكنتش متخيل اني هعيط من فيلم اكشن

  19. المشهد الوحيد اللى اثر فيا من كل الافلام اللى اتفرجت عليها…

  20. قوي قوي قوي جدا المشهد ده

  21. اجمل مشهد في الفيلم
    والاغنيه كمان تخفه
    والمخرج عبقري

  22. مشهد مؤثر جداا فعلا

  23. اجمل فيلم في السلسله و اقوي اغنيه مؤثره في السلسله كلها بجد
    بس ليه المخرج مكملش بأخوات paul walker في fast 8
    طالما هو عرف يظبط المشهد في fast 7

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

روجينا فى حلقه ابله فهيتا

استضافت ابله فاهيتا بالامس  روجينا  فى  حلقات برنامجها