Les Misérables قصه فيلم

Les Misérables قصه فيلم

- ‎فيفن وسينما
802 views

Les Misérables | 2012

“أنا صوّرت المشهد ده بعد ما قصّيت شعري مباشرة، وكأنهم ضربتين ورا بعض. إتكلمت مع المخرج “توم هوبر” لأن المشهد كان في ضغط نفسي كبير عليا، بالذات لأن كل التوقعات كانت بتقول إنه هيكون أجمل مشهد في الفيلم. “توم” طلب مني إني مافكرّش في الأغنية نفسها لكن أغمض عيني، وأتخيّل إني بامر بتجربة “فونتين”، كأني هي، وأفكر في اللي حصل لها وأنا باغنّي. الضغط تضاعف مع وجود الكاميرا على وشي لأكتر من أربع دقايق، وخرجت المحاولة الأولى فاشلة تماماً، وحسّيت بالفعل بالغضب من نفسي. في المحاولة التالتة غمّضت عيني لثواني، وغصت بعقلي جوه شخصية “فونتين”، وقلت لنفسي إني ماستحقش أكون ممثلة لو مانجحتش في المحاولة دي، وبدأت أغنّي…. هي دي المحاولة اللي نجحت، وهي دي المحاولة اللي ظهرت في الفيلم.”

ده كان جزء من حوار “آن هاثاواي” ل “أسوشيتدبرس”، وهي بتتكلم عن المشهد العبقري ده من فيلم البؤساء. الحقيقة إن أداء “هاثاواي” كان استثنائي وغاية في الصعوبة لأن المشهد تطلّب إنها تغنّي لايف، وترسم على وشها تعبيرات صعبة جداً، وكمان تبدو وكأنها بتعيّط في وسط الأغنية من غير ما يظهر أي نشاز في طبقات صوتها. لاحظوا روعة الأداء من أول الدقيقة 2.32 وصوتها وهو بيعلى في كلمة “Shame” مع تصاعد الأغنية، وهتشوفوا التحكم المذهل في تعبيرات وشها ونظرات عينيها وتوقيت خروج الدموع، مع السيطرة الكاملة على اللحن.

زي ما قلت قبل كده، أصعب مشهد على الممثل هو اللي المخرج بيثبّت فيه الكاميرا على الوش، ويسيبها تنقل كل الانفعالات والتعبيرات من غير أي مؤثرات مساعدة. “هاثاواي” استحقت عن جدارة جايزة أوسكار كأفضل ممثل مساعد عن دورها في الفيلم ده. تقدروا تشوفوا المشهد على لينك يوتيوب دي

https://youtu.be/vJ7ODztohVg

Facebook Comments

9 Comments

  1. ممكن لينك الفيلم مترجم

  2. الفيلم ده عظيم بجد
    اجمد فيلم شوفته ف حياتى 💔💔

  3. Kyrillos Gerges, Amgad Nassif, Keroo Nabih فاكرين الفيلم الفاجر ده ف القصر 😁😁

  4. الفلم دا رائع بس لو ماكنش موسيقى كان احلى

  5. اسوء فيلم شوفته ف حياتي

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

روجينا فى حلقه ابله فهيتا

استضافت ابله فاهيتا بالامس  روجينا  فى  حلقات برنامجها