Training Day | 2001 قصه فيلم

Training Day | 2001 قصه فيلم

- ‎فيفن وسينما
2٬758 views

Training Day | 2001

“دنزل واشنطن” في واحد من أعظم أدواره، واللي قام فيه بدور الشرطي الفاسد “آلونزو هاريس”، المتورط بشدة مع المافيا الروسية، واللي استحق عليه – عن جدارة – جايزة أوسكار أفضل ممثل.

أداء “واشنطن” في المشهد ده كان أسطوري لأسباب كتيرة يمكن من أهمها التحكم المذهل في تعبيرات وشه ونظرات عينيه، وهو بيتكلم مع الشرطي المستجد “جيك”، واللي قام بدوره “إيثان هوك”. المشاهد هيلاحظ كمان إن “واشنطن” استخدم نبرة صوته بطرق مختلفة عشان تمشي مع تصاعد الأحداث اللي بيحصل في المشهد. لاحظوا مثلاً في الدقيقة الأولى نبرة صوته اللي فيها تحدي وثقة في إن الأمور لسة تحت سيطرته الكاملة، وقارنوها بنبرة صوته بعد ما أخد الرصاصة، ومحاولاته المتوسلة إنه يقنع “جيك” إنه يديله شنطة الفلوس، وأخيراً نبرة الغضب العارم، وهو بيشتم وبيهدد مجموعة الناس اللي حواليه.

الحاجة الملفتة للنظر هي لغة الجسد “Non-Verbal” اللي استخدمها “واشنطن” في المشهد، واللي أضافت كتير لروعة وعظمة الأداء. على سبيل المثال حركات راسه ورقبته وهو بيتكلم أو الطريقة اللي ولّع بيها السيجارة، وأخيراً رد الفعل المذهل في الخمس ثواني بعد ما “جيك” ضربه بالرصاص. بالرغم من المشهد مليان كتير من العبارات الحادة إلا إنه إحتوى على تركيبات لغوية مختلفة ومعقدة. الجملة الشهيرة “King Kong ain’t got sh** on me” كانت من إبتكار “دنزل واشنطن” نفسه ومكانتش موجودة في النص الأصلي لكن إتضافت للمشهد زي ما هي.

مخرج الفيلم “أنطوان فوكوا” كان عايز الفيلم ده يكون واقعي بقدر الإمكان، وعشان كده صوّر بعض المشاهد، ومن ضمنها المشهد ده، في أسوأ وأخطر مناطق العصابات في “لوس آنجليس”، وكمان طلب من بعض أفراد عصابات الشوارع إنهم يظهروا في الفيلم. تحذير أخير إن المشهد في عبارات حادة كتير لكن تقدروا تشوفوه على لينك يوتيوب دي

https://youtu.be/neoAJrzKXq4

Facebook Comments

23 Comments

  1. دنزل واشنطن اسطوره ، وإثان هوك اداء اكثر من راء وموهوب مثل صفحتكم تماماً 👏😍😍

  2. فعلا فيلم اكتر من رائع بيوضح الجانب الفاسد من رجال الشرطة–اداء دينزل واشنطن خرافي واسطوري-مشهد اعدام المافيا الروسية للشرطي الفاسد مشهد مقنع جدا ويملاءك بالرهبة من قدرات المافيا الروسية – اداء دينزل واشنطن هو السبب الاساسي لنجاح training day

  3. To protect the sheep you gotta catch the wolf 😍😍

  4. طيب اللي متفرجش لسه علي
    the equalizer
    يلحق يشوفه بقي
    كالعاده فيلم عظيم للاسطوره دينزل

  5. دينزل و ايثان كانو مبدعين فى الفيلم ده….واحد من اجمل الافلام اللى شفتها فى حياتى و المشهد بالاخص من افضل المشاهد فى تاريخ السينما

  6. هما حاولو يعملو فلم شبهه بتاع ايثان هوك وريتشارد جير هو كان حلو بس ماكنش علي نفس المستوى

  7. دينزيل جسد الشخصية بصورة رائعه فعلا يستحق الاوسكار و الدور ده من الادوار اللي بتتوج دينزيل واشنطن يعتبرمن الادوار اللي بعشقها لدينزل دور الونزو

  8. من اكتر الافلام الى بحبها لواشنطنthe bone collector
    حاجة اخر عظمة و لسة عندى ك شريط فيديو ❤

  9. دينزل واشنطن اسطورة، و إثان هوك ممثل مبدع
    الفيلم من الافلام المؤثرة و واقعية
    والمشهد ده من افضل المشاهد في الفيلم
    و دينزل واشنطن ابدع فيه
    شابوه للصفحة 🎩🎩🎩

  10. ما عجبنيش

    و شايف أداء دينزل في أفلام أخرى زي مالكوم اكس و ذا هوريكين أفضل كتير

  11. أفضل مشهد شوفته فى حياتي وأفضل أداء تمثيلي وتقمص شوفته لممثل ..بصراحه ممثل عالي جدا بحب أفلامه جدااا

  12. دينزل واشنطن اسطوره فنيه كبيره جدا وفي رأيي ليس له اي افلام سيئه علي الاطلاق فهو يجيد اختيار السيناريوهات ويجيد في ادواره ببراعة كبيرة

  13. كان فى لقاء لدينزل واشنطن مع ريا فكان سؤالها ليه ايه هى الجايزة اللى لسه ماخدتهاش ده دليل على انه صاحب النصيب الاكبر فى كل الجوايز فعلا ممثل اسطورة

  14. النقد هنا ايجابي جدا لدرجه رشح معاها دينزل واشنطن لجائزة الاوسكار ونالها عن جدارة
    وكمان جائزة ام تي في للأفلام عن افضل شرير لعام ٢٠٠٢
    نشوف قصة التصوير المثيرة
    ايه اللي عمله انطون فوكوا
    اسنادا لكلام الادمن فعلا حب انطوان يخلي الفيلم اقرب للواقع
    قام بتصوير بعض اللقطات في أسوء الأحياء سمعةً في لوس أنجلوس. حتى أنه حصل على إذنٍ لإطلاق النار في مشروع إسكان امبريال كورتز، لأول مرةٍ في لوس أنجلوس وسمحت عصابات الشوارع بإحضار الكاميرات إلى الحي
    أجزاء من الفيلم تم تصويرها في شارع مسدود يسمى بالموود درايف، وفيه ظهر بعض أعضاء عصابة Black P. Stones Blood على أسطح المنازل
    . كلي سلون، المستشار التقني للعصابات في يوم التدريب، تمكن من الحصول على لقطاتٍ للحياة الواقعية لأعضاء عصابة Rollin’ 60 Crips، وPJ Watts Crips، وعصابة B. P. Stones. وفقاً لأحد تعليقات فوكودا في نسخة DVD التي أصدرت للفيلم، لقي طاقم التمثيل والتصوير استقبالاً حاراً من قِبل السكان المحليين.

    كان فيه كمان اتنين من ضباط الشرطة مع الفريق كمستشارين تقنيين، وهما مايكل باترسون وبول لوزادا (وهذا الأخير من إدارة شرطة سان فرانسيسكو). واجتمع واشنطن و هوك، وأعضاء فريق العمل الآخرين مع ضباط الشرطة السريين، وتجار المخدرات المحليين، وأفراد العصابة لمساعدتهم على فهم أدوارهم بشكل أفضل
    فيلم رائعععع

  15. You can shoot me but you can’t kill me nigga.

  16. انا شايف ان افضل مشهد ف الفيلم .. لما كان بيقنع جايك أنه يبقي فاسد

  17. I run the shit here you just living here

  18. من ا حسن الافلام اللى شوفتها فى حياتى من دون مبالغة

  19. المظلوم Denzel Washington

  20. واحد من اجمل واروع الادوار اللى عملها دينزل واشنطن..خاصا مشهد النهاية .

  21. اسلوبه مشابه جدا لاحمد ذكى

  22. دنزل اسطوره ملهاش اي حل يقنعك يأي دور يقوم بيه

  23. الفيلم كله عظيم والدور ده عظيم ودينزل واشنطن عموما اسطوره

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

قصة ونهايه فيلم Whiplash 2015

Whiplash | 2015 مشهد النهاية من فيلم ويبلاش