A Beautiful Mind قصه فيلم ونهايه

A Beautiful Mind قصه فيلم ونهايه

- ‎فيفن وسينما
0

A Beautiful Mind | 2001

من العناصر اللي بتجذب الناس لمشهد معين في فيلم وتحفره في ذاكرتهم لفترة طويلة هي طريقة بناء وصياغة المشهد نفسه سينمائياً. ده واحد من المشاهد الرائعة من فيلم “عقل جميل” لراسل كرو وجنيفر كونيلي، واللي تميّز بالفعل ببناء درامي عبقري على مستوى تصاعد الأحداث والأداء التمثيلي والمونتاج والموسيقى التصويرية.

أول تلاتين ثانية في المشهد هدفهم بس إن المشاهد يتنقل لحالة من التوتر والتوجس استعداداً للي هيحصل بعد كده. ده تم من خلال حركة الكاميرا البطيئة وتصاعد وتيرة الموسيقى التصويرية على نغمة واحدة، بالإضافة لبعض المؤثرات الصوتية والبصرية زي صوت الرياح والسما اللي مليانة غيوم على سبيل المثال.

مع لحظة الصدمة المؤلمة في الدقيقة التانية، لمّا “آليشيا” عرفت إن الهلاوس رجعت بقوة لعقل جوزها “جون ناش”، المشاهد هيلاحظ إن تركيب المشهد اختلف تماماً، وأصبح المونتاج هو اللاعب الأساسي، من خلال التركيز على لقطات مختلفة ورا بعض زي إيد “ناش” وهو بيفتح الحنفية، لقطة للطفل جوه البانيو، ملامح الصدمة على وش “إليشيا”، وهكذا. الموسيقى نفسها بعد دقيقة و 12 ثانية بالظبط إتغير التون الرتيب بتاعها عشان تجهّز المشاهدين نفسياً مرة تانية للأحداث اللي جايه.

أداء الممثلين بيظهر بقوة على السطح في اللقطات اللي “آليشيا” بتنقذ إبنها من الغرق في البانيو. بالمناسبة، الطفل إتصور لوحده في بانيو فاضي، وبعدين تم دمج لقطة المايه على الكمبيوتر، وكأنه بيغرق. في الدقيقة 1.53 بالظبط، لمّا الأم أنقذت إبنها وأخدته في حضنها، هتلاحظوا إن الموسيقى اختفت تماماّ لأن صوت صراخ الطفل وعياط الأم هيبقوا هم المؤثرات العاطفية الأقوى على المشاهد.

مع ظهور “أصدقاء الهلاوس” لجون ناش على الشاشة، هتلاحظوا حركة الكاميرا الدائرية مع مونتاج وتقطيع لقطات أسرع بمراحل من بقية المشهد بهدف توضيح حجم الفجوة المرعبة بين الحقيقة اللي المشاهدين عارفينها والهلاوس اللي في عقل جون ناش. في الجزء ده، ظهرت تاني الموسيقى التصويرية المتوجسة على خلفية الأداء الرائع للممثلين عشان تقوية العمق الدرامي للمشهد.

في لحظة النهاية لمّا جون ناش وقف قدام عربية مراته، واكتشف إن “مارسي” مش شخص حقيقي لأنها شكلها مبيكبرش، المشاهد هيلاحظ إن الموسيقى اختفت للمرة التانية، وتم استبدالها بصوت المطر لأن الحقيقة قوية بما فيه الكفاية من غير مؤثرات، وعشان ضمان تركيز المشاهد الكامل للحظة إدراك جون ناش للواقع.

الفيلم ده أخد أربع جوايز أوسكار من ضمنهم أفضل فيلم وأفضل مخرج لرون هوارد. بالرغم من إن “راسل كرو” اترشح لأوسكار أفضل ممثل عن دوره في الفيلم، إلا إن اللي حصل عليها “دنزل واشنطن” عن فيلم “يوم التدريب”. تقدروا تشوفوا المشهد على لينك يوتيوب دي

https://youtu.be/GSnjt83nEho

Facebook Comments

24 Comments

  1. اسلوبك جميل قوي في الوصف..عاجبني جدا..و ذوقك حلو قوي في اختيار المشاهد اللي بتعرضها..أحييك

  2. اسالك سؤال وعايز رد لو سمحت
    من يستحق الأوسكار اكتر دنزل واشنطن في يوم. التدريب ولا راسل كرو عن عقل جميل
    مع اقتراب بعبقرية الاثنين في الدورين

  3. انتوا صفحه عظيمه شغلكم ممتاز
    استمروا 🙌💪

  4. الفيلم ده بقالي 6 سنين شفته عالتليفزيون بالصدفة وقعدت ادور عليه لا كنت عارف اسم الفيلم ولا اي اي حاجة غير اني اشوفه تاني لحد ما يأست وشكرا بجد انك اتكلمتو عنه

  5. رائعه من روائع راسل كرو ، والسينما عموما.. وكالعاده اختيار وتعليق ع مشهد اكتر من مبهر 👍👏👏👌

  6. حضرتك نسيت تقول ان العالم جون ناش الحقيقي سواق تاكسي مصري عمل بيه حادثة هو ومراته وماتوا في نيويورك

  7. She never gets old , Marcy can’t be real ! ,
    One of my favourite lines in the movie .

  8. طبيعة الأفلام اللي من النوع ده ..انك تخلي المشاهد ماشي في اتجاه وفجأه تحوله لإتجاه تاني غير متوقع ..بتكون من أفضل الأفلام اللي ممكن الواحد يشوفها

  9. راسل كرو يستاهل اوسكار للفيلم دا
    ادائه هنا يستاهل الجائزة عن فيلم gladiator

  10. فيلم اصلا من غير مايتفهم تتشد ليه و تبقى حابب تشوفى على طول و اللقطه لما كان بيتعملو جلسة كهربه قبل ماينام و يبص ل جينفر حاجه حوار

  11. الل صدمني مكياج جينفر ف آخر لقطة ، هي زي القطة أصلآ و مش لايق عليها الكبر خالص

  12. The most beautifullmind I’ve known in my life

  13. من الافضل الافلام اللى شفتها فى حياتى

  14. من احلي الافلام اللي شوفتها في حياتي بجد <3

  15. افضل فيلم سمعته ف حياتي ومهما كررته مش بمل منه

  16. الفيلم مبني على احداث حقيقية وده احد اسباب تاثر المشاهدين بيه

  17. انا توهت بس المشهد ده اكتر حاجه عجباني في الفيلم =D

  18. من أروع ما شاهدت من الأفلام على الإطلاق….إستمتعت

  19. من اروع الافلام اللي شوفتها

  20. من اروع الافلام اللى شفتها

  21. اللى متفرجش على الفيلم ده متفرجش على افلام خالص ✋

  22. من الأفلام الجميله جدا

  23. راسل كرو ممثل عبقرى الصراحة ومش بيعمل اى فيلم

  24. مش فاهم ازاي مخادش الاوسكار ع الفيلم دا

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

قصة ونهايه فيلم Whiplash 2015

Whiplash | 2015 مشهد النهاية من فيلم ويبلاش