أسف على الإزعاج قصة فيلم

أسف على الإزعاج قصة فيلم

- ‎فيفن وسينما
0

أسف على الإزعاج | 2008

أسف على الإزعاج من أهم أفلام أحمد حلمي. الفيلم بيحكي عن حسن – مهندس الطيران – اللي عنده أحلام كتيرة لبلده ولنفسه. الفيلم بيبدأ بكوميديا راقية بعيدة تماماً عن كوميديا الموقف، لكن الأحداث بتتطور بشكل تراجيدي وغير متوقع لمّا المشاهد بيكتشف إن حسن مريض نفسي بالفصام، وإنه بيشوف أبوه اللي مات في كل مكان، لأنه مقتنع إنه لسة عايش.

المشهد ده اللي فيه أم حسن بتواجهه بحقيقة إن أبوه مات. أداء أحمد حلمي التمثيلي في المشهد أكتر من رائع، واللي شاف الفيلم هيلاحظ إن طريقة كلامه اتغيرت تماماً، وكأنه عيل صغير بعد ما عرف إن أبوه مش عايش.

المخرج خالد مرعي نجح ببراعة في توصيل فكرة الفيلم بزاويا تصوير وكادرات مميزة. الفيلم – بشكل عام – في خليط قوي من الكوميديا والتراجيدي نادراً ما نشوفه في السينما المصرية، مع موسيقى تصويرية معبّرة، وأغنية رائعة لشيرين عبد الوهاب، واللي تم توظيفها بشكل كويس جداً في الفيلم.

تقدروا تشوفوا المشهد على لينك يوتيوب دي

https://youtu.be/2_SDsCmgi3s

Facebook Comments

25 Comments

  1. تقريباً أحمد حلمي الوحيد اللى بيقدم كوميديا راقيه مفيهاش إسفاف

  2. احلى فيلم شوفته فى السينما المصريه يجى بعده الفيل الازرق فيلم عبقرى بامانه واداء كريم عبد العزيز فظيع

  3. لعلمك ليا صديق مقرب ليا جدا تقمص دور حسن و شخصيته بقت زيه في بعض الحاجات يعني بقى طول الوقت كان هادي و بيتعامل مع القليل و منعزل و كان بيعامل الكل كويس و جه في مره عامل كل واحد بعكس ما هو ظاهر منه و أكتشف ان في ناس كانت وقفاله ع غلطة حتى طريقة لبس حسن بقى بيلبس كلاسيك و جاب شنطة و كان بيروح بيها الكلية و بيقولي ان الفترة دي كانت أحسن فترة عاشها كان مرتاح و بعيد عن الوش و فوق كدة أكتشف و أتعلم كتير

  4. Mohammed Yasser Bakr

    هوا مش أهم أفلامه هو ذروة أداءه الفنى و نضجه على الشاشة بداية ً من السلم و الثعبان مرورا ً بسهر الليالى

  5. افضل فيلم فى تاريخ أحمد حلمى وافضل فيلم بالنسبه لى على الاطلاق

  6. فكرة الفيلم مسروقة من فيلم beautiful mind

  7. والاغنيه الانجلش حلوة جدا اللى اشتغلت لما كان بيكلم ابوه

  8. وانا بأكد ان ده هايفضل طول عمري الفلم المفضل لي ✌️️✌️️👆

  9. يشبه فيلم beautiful minds

  10. اهو ده المشهد الوحيد اللي عيطت في ولدرجه الشحتفه كمان اداء اكتر من رائع

  11. فيلم من اسوا الافلام ممل جدا و ملوش معنى

  12. احمد حلمي ممتاز وده فيلم مفضل ليه بس عسل اسود بينافسه

  13. من احسن افلام حلمي أن لم يكن احسنها علي الإطلاق

  14. Helmy’s masterpiece😃

  15. البرنس😍

  16. من أعظم أعماله 🙂 ..

  17. Best actor .. Best film ❤

  18. احسن فيلم لحلمي 😍😍

  19. Mahmoud Abualkassem

    رائع جدا

  20. كوميديا سودا

  21. Mohammed Yasser Bakr

    هوا جامد من اول مغاورى الطبيب النفسى لما بيقوله انتا اللى غباءك صور لك انك ممكن تضحك عليا

  22. الفيلم
    مسروق من فيلم beautiful mind

  23. المواطن مصرى السيد

    احلى فلم فيه مفاجئة غير متوقعة تحس ان حد ضربك على غفلة

  24. احمد حلمى البرنس😍

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

You may also like

قصة ونهايه فيلم Whiplash 2015

Whiplash | 2015 مشهد النهاية من فيلم ويبلاش